Viaxe a Felechosa.

Cómo llegar a Felechosa:
 Cueyi primero la carretera hasta Morea, a onde llegamos ensin problemas.Tando yá en Moréa tiramos too p'arriba y podemos dir pela carretera vieya qu'agarrase cuando llegas a una rotonda  o pelo nuevo, teniendo que torcer pa la drecha y xirando a la manzorga llevándonos hasta Corigos.
De Corigos p'arriba yá ta más fácil llegar a Felechosa: Tírase too p'arriba pasándo per Cabanaquinta, L.levinco, Col.lanzo, L.lanos , La Pola Vieya, El Pino y ya llegamos a Felechosa onde podemos topar abellugu y xintar coses mui  prestoses.

ABELLUGU:
En llegando a  Felechosa tenemos qu'escoyer onde nos quedar y tenemos munchos sitios.
Al principiu'l pueblu topámos El Parador, que ye un bar-restaurante que tamién nos da abellugu de mui bona gana. Al lláu del restaurante El Parador topamos el bar-restaurante El Rápido que nos ofrez tamién bon recibimientu a precios anticrisis. Nel pueblu tamién hai más cases que dan agospiu como El Molín d'Eloy asitiáu nel centru'l pueblu o el Pena Pandos ubicáu na parte alta del pueblu. Tópase en Felechosa ún de los meyores restaurantes del conceyu <<De Torres>>

 Equí El Parador.

 De Torres.

 Pena Pandos.

Xintares:
En Felechosa dependiendo de la época pue cómese daqué que nun se come tol año.Por exemplo, hai xornaes gastrónomiques de la caza, de la matanza etc.. Pues comer carne de gochu , de vaca, de xabalí. Nun día normal pues comer fabes con chorizu y morciel.la y luego dependiendo del gustu hai comía internacional. Pal postre puen danos  una repostería casera impresionante; Hai casadiel.les, suspiros y madalenes toos fechos en casa. Cuando s'aproxímen les fiestes ya apaez per ehí'l panchón.

Ruta que podemos facer:
Ruta Les Brañes.

Pa entamar la  ruta salimos averaos al pueblu,  podemos ver la  ermita de la Virxen de l'Antigua, mui característica porque debío a la so construcción, los habitantes del pueblu tienen un nomatu relacionáu con esta:  dizse que dende antaño los habitantes del pueblu construyeron esta iglesia coles viges travesaes, entós a éstos llámase-yos los de la viga travesá. Tamién per debaxo de la ilesia hai un molín perantiguu, propiedá d'ún del pueblu.

Equí una foto del molín.
En llegando hasta'l final del pueblu, nel que tá la ermita, tiramos p'arriba per un camínin nel que vamos dexando a la izquierda el ríu Freneo y  a la drecha les últimes cases del pueblu.
Siguimos tirando per esi camín palante y vamos viendo dalguna cuadra nel que los dueños meten les vaques y  a medía que ascendemos vamos metiéndonos nel bosque .Mientres caminamos pel bosque vamos dir topandonos con castaños,  fresnos, nogales. Una vez metíos ya, siguese too parriba,dexándonos ver a nuesu pasu caseríes como las Boyas perteneciente al valle de val.lina escosa y en un tramu llamáu Penas Cutías podemos ver como dos penes cierren el camín(ehí en eses penes nacío una paisana del puilo), y más arriba al l.láu izquierdu vémos un pozu llamáu Pozu Tarzán perguapu.

Dexándo atrás el pozu síguese too pallantre hasta llegar al Gamonal un camín col suelu de ceniza rodeáu de felechos, atrás dexas el valle Freneo. Acabando dar la vuelta al Gamonal subes un camín de piedres, per onde ves baxar el ríu. Al frente per esti camín vese ya El Mayaín per onde seguiremos la ruta y enfrente esto El casarón , un paisaxe espectacular. Continuando pel Mayaín parriba llégase a la Felguera , onde hai una piedra con indicaciones pa los l.lugares a los que pues dir. Dempués de esto llega La Valencia, onde los ganaeros dexan pastar a les vaques nel Branu.Tirando per un caminin estrenchu que vese tirando too de frente llegas a la vega El Otero, un l.lugar perguapu con cabanes y nel que escuéndese una cueva. Equí si tas cansáu y tienes sed hai una fonte con agua per rica.Enfrente esta vega vénse les Ordalieges y llegando a elles y tirando parriba a 15 minutos lleges a la Tabierna,una gran vega con vistes espectaculares na que te pues parar a comer y a beber un poco , ya que tamien hai una fonte.Pa volver al pueblu pues seguir la misma ruta o agarrando un desvíu en la parte baja de la vega l' Otero que llevate al puilo per un caminin de piedres coles vistes a la pista que fixieren nueva pa que pudieran subir los coches.Cuando pases per equí vése en Escu Zarréu una cascada perguapa.Tirando too de frente ensin agarrar un desvíu llegas a la cocha Cebarón na que pues dir al pueblu por una pista transitá polos coches tirando too pabajo o dir pel val.le Freneu nombráu nantes nel que sales a la Ermita de Nuestra Señora la Antigua agarrando un desvíu que hai a mano drecha baxando .

 La Vega l'Otero.

 El Casarón.

 Fonte nel Otero.

 Vega la Valencia.

La cueva del Otero.